Halloweenfest

Halloweenfest er ein sjølvsagt ting her i huset. Me har halde ein liten fest for små og store vener i fleire år no, og er noko me ser fram til kvar gong. Ein liten utfordring er maten, for dei små forventar mat dei kan smågrøssa av. Dette året valgte me 'heksegraut'; vanleg risengraut tilsatt litt grøn konditorfarge etter koking. Sukker/kanel-blanding vart til magisk pulver.

Og alle munner set pris på dessert. Bordet vart dekka med sjokolade i mange variantar, chips og 'gresskarkaker'. Det er kakemanndeig som eg farga med litt oransje konditorfarge og stakk ut med gresskarform. Etter steiking brukte me tusjer med konditorfarge til å teikna detaljane. Cacas har mykje nyttig til kakebaking :)

Me har pynta litt her og der òg. Denne heksa er favoritt, søt som ho er.

Borddekorasjonen var enkel; eit lite sinkfat, visna blader, rognebær og pyntegresskar.

I utgangspunktet hadde eg tenkt å bruka min finaste linduk på bordet, men då eg fekk tenkt meg om,fann eg fram ein rull med kvit papirduk. Eg hadde verkeleg ikkje lyst til å få grøne flekker på finduken min. Bordkorta har eg klypt ut av kartong, limt på halloweenklistremerker og skrevet namna med sprittusj. Nokre dekorerte eg med oransje silkeband i tillegg.

No var det berre å setja seg, og forsyna seg med god, småekkel mat ;) så kan eg ikkje anna enn håpa på at alle har kost seg i kveld. Eg gjorde det iallefall!

Oppskrift på kakemenn:

300 g kveitemjøl

250 g sukker

1,5 ts hornsalt

30 g margarin

1,5 dl vatn

+mjøl til passe deig

Steikes ved 180-200 grader i ca 10 minutt

*for å farge deigen, kan du blanda ca ei halv ts farge, frå Cacas, i deigen.

Siri

Trøste-shopping

I går var eg og vaksinerte meg. Planen var å ta vaksinen mot svineinfluensa, men legen spurte om eg ville ta vaksinen mot 'vanleg' influensa òg samtideg for same pris. Eg trur eg kan påstå at eg ikkje har hatt influensa på 12 år, men tenkte som Ole Brumm; Ja takk, begge deler...

I dag kom bivirkninga - på den vanlege vaksinen... Litt 'småflunsete' og trøtt. Så eg syntes så synd om meg sjølv at eg køyrde direkte til 'Krims og krans' etter jobb, og kjøpte meg litt trøst. Mest sokkegarn, men eg kunne ikkje motstå ein fin, liten pose med garn oppi og mønster til selbuvotter hengjande på utsida. No skal eg snart byrja og strikka mine første votter :)

Siri

Tidleg opp...

Etter klokka vart stild ein time tilbake, har

eg vakna litt før eg har tenkt... Eg reknar med

det ikkje varer lenge innan kroppen forstår

at det er vintertid. Fram til den tid får eg

bruka morgontida til noko fint. Akkurat no

sit eg med ein god kopp kaffi etter å ha ete

frukost, og tenkjer på kva som skal skje på

laurdag.

31. oktober er det Halloween, og i fleire år

har eg laga ein liten fest ilag med gutane.

I år vert me 12 stk tilsaman. Og det store

spørsmålet er 'kva skal me servera?'

Me har tidlegare laga;

*pølsefingrar med blodsaus og

sprøsteikte negler

*flaggarmusburgar

*blodpudding (raud gele)

*blodvatn (raud saft)

Eg trur me lagar 'heksegraut' i år....

Risengraut med grøn konditorfarge i.

Me gleder oss :)

Siri

Ei god helg!

Minstemann og eg har nettopp kome heim frå ei

herleg helg i Oslo. Me ankom byen fredag morgon,

og skulle vandra litt rundt på eigenhand i nokre timar.

Sjølvsagt fann me vegen til diverse kjende attraksjonar,

men å finna vegen tilbake gjekk så som så....

- me gjekk og gjekk....og gjekk... og fekk sjå meir

av byen enn me planla på førehand :)

Eg fekk tid til strikking òg, mellom shopping, meir

eller mindre planlagd sightseeing, Teknisk Museum,

filmsjåing og god mat på byen og hjå vertinna.

Heimtur med tog kan verta i drygaste laget for ein

10-åring, men heldigvis hadde me shoppa litt til

guten òg...

Sist, men ikkje minst - ein pakke frå hemmeleg ven

venta på meg då eg kom heim...Rosa ullgarn - trur

det vert eit par pulsvarmere - rosa serviettar og

fine, rosa telys som verkeleg vil gleda no i mørke

haustkveldar... Tusen, hjarteleg takk! :)

Siri

Ufo-galoppen

Eg er rimeleg stolt av meg sjølv no, for no har eg

fullført fleire ufo'ar enn eg hadde tenkt då eg byrja.

Her er tubesokkane, kluten frå 5 år bak i tida, og

sitjeunderlaget eg byrja på i fjor haust. Og når eg

reknar med vesten frå tidlegare innlegg, så har eg

no 4(!) Fo'ar (fullførte objekt).

Go Siri, og eg må seia det sjølv ;)

Hemmeleg uven-pakke

Tidlegere i oktober melde eg meg på noko

som heiter 'hemmeleg uven' på Hobbyboden.

Det går ut på at ein får tildelt namn og adresse til

ein annan, og skal sende noko av det garnet som

ein i rein villfarelse har fått i hus. Eg tenkte det var

ein god anledning til å verta kvitt nokre små 'mareritt'.

I dag fekk eg min uven-pakke i posten... Eg tok den

med inn, men venta litt før eg opna den. Mest så eg tenkte

innhaldet ville betra seg litt om eg venta...

Vel - her er innhaldet, og det var eit lite brev

i tillegg..

*Kjære reSirikulert!

Endelig får du en liten pakke i posten -- noe som du

sikkert har gledet/gruet deg til?!

Jeg tror det måtte ha vært utrolig dårlig lys i butikken

når jeg kjøpte garnet Museum - grå er ikke min farge

i det hele tatt!

Hva jeg tenkte når jeg kjøpte oransje/brun sokkegarn

kan jeg ikke svare på --- det kan hende jeg så litt dårlig

den dagen....

Det gule garnet har jeg fått fra en eller annen - og sjølv

etter mange år i garnlageret mitt liker jeg ikke fargen.

Kanskje jeg trodde den vil skifte farge?!!

Som en liten trøst til deg og takk for at du har

bistått meg med litt garnslanking legger jeg ved

en liten ekstra gave.

Kos deg!

Mvh

Din hemmelige uvenn :-)

Det gjekk mange slags tankar gjenom hovudet mitt..

Kva i alle dagar skal eg klara å laga av dette...?!

For ein del av 'hemmeleg uven' er at ein skal laga

noko ut av det du mottek. Og sjølvsagt vil eg vera med

på den konkurransen..

Pusen Vira Kotsha sette pris på det gule garnet.

Ho stakk av med nøstet..

Men til slutt må eg takka min hemmelege uven for

den vesle gaven - ein liten pose med maskemarkører!

No må eg i tankeboksen ei lita stund...

Siri

Er dette eit hint?

Eg er av dei som les veke-horoskopet med ganske jamne mellomrom. Denne veka seier mitt blandt anna dette; 'Alt påbegynt arbeid må gjøres ferdig før du går i gang med nye prosjekter.' Og etter gårsdagens funn trur eg at eg må ta dette som eit hint om å fullføra alle Ufo'ane eg fann...

Siri

Akk ja - Ufo'ar

Etter å ha fullført vesten i går, tenkte eg i dag

å strikka meg ei lue av restane av garnet....

Men med mitt tidligare system i strikkepinnane,

er det ganske ofte at eg må leite etter dei her og der.

(no har eg fått meg ein holdar til strikkepinnane)

Eg gjekk ved godt mot igang med leitinga...

Skulle altså finna strømpepinnar nr 7 .

Eg fann ei lita brikke, som eg mest er heilt ferdig med.
Her var visst eit handklede òg, halvferdig..
Eg hugsar eg strikka feil på mønstaret, så eg kan
sikkert, med god samvittighet, rekkje opp alt..


Ops - ein sokk, såvidt..

Og jammen eit sitjeunderlag eg byrja på i fjor haust.

Ikkje så mykje som gjenstår på denne heller....

Sist, men slettes ikkje minst, ein klut. Dette garnet

kjøpte eg i Mandal for minst 5 år sidan, og byrja på

ein heilt enkel klut... Det kan jo henda at eg får han

ferdig til jul....

Var det nokon som nemde 'Ufo-slanking'...?

Og forresten, eg fann ikkje pinnane...

Siri

Ein UFO mindre

Eg tok tidlegare imot ei utfordring på Hobbyboden

om å slanka vekk nokre Ufo'ar iløpet av oktober..

Det måtte ikkje mykje leiting til for å finna eit par,

for eg har liggjande litt av kvart om eg berre tenkjer

etter.. No har eg festa siste trådane og dampa

denne vesten, som eg byrja på for eit år sidan.

Det passa for så vidt godt å fullføra no, då det kjennes

at det går mot kaldare tider.

Det er ikkje eit perfekt bilete av vesten, men du

finn modellen i heftet til SandnesGarn, mix dame,

0609. Vesten er strikka i Alfa på pinne 7.

No sit eg og nyt ein god kopp kaffi, og kjenner

kor god følelsen er å ha fullført. I morgon

skal eg finna fram neste Ufo, eit par sokkar

i tubestrikk.. Eg gler meg...

Siri

Firkanttøfler

Då eg hadde hobbykveld var det ingen som heilt kunne

sjå føre seg at desse L'ane skulle verta til tøfler, noko

eg godt kan forstå.

Men etter ein del hovudbry klarte eg å sy ein L

saman til ein ganske så fancy tøffel, og då var det

mykje lettare å sy saman L nummer to..

Eg måtte vaska tøflane i to omgangar på 60 grader,

med litt grønsåpe, før dei var tova nok.

No ser eg berre fram til dei er tørre og eg kan

byrja bruka dei.

Siri

Gamle Mor

Du gamle mor er veik og arm,

og falmet er dit kind;

dog er du like hjertevarm

som da du trykked til din barm

den vesle gutten din.

Du gik og sled i mas og kav

til livets sene kveld;

men skjønt du bare mødte krav,

du gik ei træt, men villig gav

os av dit rike væld.

Derhjemme gik du ind og ut

med sang og smil om mund;

du stillet alles sorg og sut,

selv gik du helst i hverdagsskrud

til hver en tid og stund.

Du elskede dit virkested,

og barna var dit alt;

for dem du sent og tidlig stred

og spurte ei, hvad dagen led,

naar hjemmets vel det gjaldt.

Nu er du gammel, træt og svag

og ser mod solefald;

dog har du samme hjertelag,

som alle aar har staaet bak

dit høie moderkald.

*Morten Lindtjørn

'Dikte og sange'

Dette er eit dikt skrevet av oldefar min.

Siri

Ufo-slanking

Målet i oktober er å slanke vekk nokre ufo'ar.

Etter eit lite innlegg og utfordring i Hobbyboden,

fann eg ut at eg trengde denne slankinga...

Så valget fell på desse to ufo'ane...

Ein vest som eg er over halvvegs på, og eit par med

tubestrikka sokkar.

Vesten kan vera god no på hausten, og sokkane likeeins.

Dette kanhende er ein litan utfordring til deg òg...?

Siri

Hobbykveld

Etter å ha vorte inspirert litt inne på Hobbyboden,

ba eg inn nokre venninner til ein hobbykveld. Kaffi

på kanna og frukt i skålene, både frisk og tørka. Nå

kan gjestene berre koma.

Me fekk tid til handarbeide òg, sjølv om vi hadde

mykje å prata om. Ei hadde med seg hekletøy.

Ei anna har det travelt med synåla. Ho broderer
klokkestreng til venninners nyfødte, noko me
set stor pris på.

Sjølv held eg på med tøfler. Og lilla er min farge!
Me gler oss til neste hobbykveld, alle saman.